O Servizo de Bono Social Eléctrico pasará a prestarse todos os mércores en horario de 10:00 h a 12:00 horas no Salón de Plenos.
A corporación teense reúnese este xoves 27 de outubro en sesión ordinaria. O debate terá lugar en horario de tarde, ás 20:00 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. A sesión tamén se retransmitirá por streaming a través da web municipal, premendo no banner En directo, na marxe dereita da portada da mesma.
O pleno ordinario de outubro deberá votar a proposta de organigrama administrativo municipal, un documento que pretende ser a guía para o desenvolvemento das ofertas de emprego público a realizar nos próximos exercicios, así como os procesos de promoción interna e de reordenamento estrutural da plantilla. O texto é froito do traballo de interlocución cos distintos departamentos municipais, cos representantes dos traballadores e coas organizacións sindicais representadas na Mesa Xeral.
Na sesión tamén se propón a adhesión á Axencia de Protección da Legalidade Urbanística. Pola súa banda o BNG propón unha moción na que amosa o seu rexeitamento á LOMCE e ás reválidas.
A orde do día terá os seguintes puntos:
- Aprobación da acta da sesión ordinaria do día 29/09/2016.
- Dar conta das resolucións da alcaldía (da 798/16 á 920/16).
- Dación de conta do informe de cumprimento dos prazos de pago das operacións comerciais 3º trimestre do 2016.
- Ditame da proposta da alcaldía de aprobación do convenio de adhesión do Concello de Teo á Axencia de Protección da Legalidade Urbanística.
- Ditame da proposta da alcaldía de modificación da periodicidade das sesións do pleno.
- Ditame da proposta da alcaldía de modificación da ordenanza de venda ambulante do Concello de Teo.
- Ditame da proposta da alcaldía de aprobación do organigrama administrativo municipal do Concello de Teo.
- Ditame da moción do Grupo Municipal Mixto da oposición á LOMCE e ñas reválidas.
- Mocións.
- Rogos e preguntas.
Máis novas
