O Servizo de Bono Social Eléctrico pasará a prestarse todos os mércores en horario de 10:00 h a 12:00 horas no Salón de Plenos.
A compañía Chévere, residente no Concello de Teo, ofrece a preestrea de dúas obras: AnnusHorribilis o martes 27 de xuño ás 21.00 h e Río Bravo o 28 de xuño, tamén ás 21.00 h. Só aberto para público teense cun máximo de 120 entradas para cada función. O Concello de Teo establece para isto un sistema de reserva de entradas para favorecer o acceso das persoas empadroadas en Teo.
Condicións:
Entrada unicamente para as persoas empadroadas en Teo.
Cada persoa pode reservar ata un máximo de2 entradas ao seu nome.
Reserva de entradas:
No momento de realizar a reserva debe indicarse o nome e apelidos das persoas que queiran asistir á función para realizar a correspondente comprobación no Padrón de Habitantes.
Poderase reservar a entrada por teléfono no 981 815 700,ou de maneira presencial no Departamento de Cultura, na Biblioteca do Grilo, na Biblioteca dos Tilos ou na Aula de Informática municipal.
Acceso á función:
Unha vez reservada a entrada por algún dos medios anteriormente citados elaborarase unha listaxe coas 120 persoas que teñan acceso a cada función, polo que o día da función, ao seren entradas nominais, será necesario identificarse na entrada.
Día da función:
Solicítase puntualidade. Unha vez comezada a función non se permitirá o acceso a esta.
No caso de que queden entradas libres poderá acceder o público presente na entrada por orde de chegada.
30 anos
Chévere cumpre 30 anos e estao celebrando agasallando ao público ofrecendo a posibilidade de volver a ver algunha das súas montaxes máis celebradas. Dúas das obras míticas que vai volver a realizar son Río Bravo e Annus Horríbilis, as que se poderán ver en Teo os días 27 e 28 de xuño.
Segundo explican eles mesmos na súa web "moita a xente que segue falando de cando viu por primeira vez Rio Bravo e para Chévere foi unha escola de vida e oficio, ademais do primeiro gran éxito de público. Annus Horríbilis marcou un punto de madurez e excelencia para todo un grupo de artistas vencellados con Chévere, coa Nasa e con Compostela e permitiu abrir novos camiños profesionais e creativos".
