O Servizo de Bono Social Eléctrico pasará a prestarse todos os mércores en horario de 10:00 h a 12:00 horas no Salón de Plenos.
A corporación teense reúnese este mércores 26 de abril en sesión ordinaria. O debate terá lugar en horario de tarde, ás 20:00 horas, no Salón de Plenos da Casa Consistorial, na Ramallosa, co fin de facilitar a asistencia das persoas interesadas. A sesión tamén se retransmitirá por streaming a través da web municipal, premendo aquí
A orde do día ten os seguintes asuntos:
- Dar conta das resolucións da alcaldía (da 243/17 á 325/17).
- Dar conta do informe do cumprimento dos prazos de pago das operacións comerciais, 1º trimestre de 2017.
- Dar conta dos resultados da liquidación do exercicio 2016.
- Proposición da alcaldía de forma de xestión do servizo de conservación e mantemento do alumeado público e instalacións municipais e prórroga transitoria do contrato.
- Ditame da proposta da alcaldía de modificación do acordo plenario de aprobación do plan provincial de cooperación ás obras e servizos de competencia municipal (Plan único de concellos) "POS+2017"
- Ditame da moción do grupo municipal de SondeTeo-Anova de rexeitamento de determinadas actuacións da Valedora do Pobo.
- Mocións.
- Rogos e preguntas.
