O Servizo de Bono Social Eléctrico pasará a prestarse todos os mércores en horario de 10:00 h a 12:00 horas no Salón de Plenos.
A Aula de Informática do Concello de Teo acollerá nas vindeiras semanas dous cursos específicos para mulleres, organizados pola entidade ‘Otro Tiempo’ coa colaboración do Centro de Información á Muller (CIM) de Teo e cunha subvención estatal.
Os cursos son gratuítos e con prazas limitadas e ao remate entregarase un certificado de asistencia. Están dirixidos a mulleres en situación de desemprego ou cun proxecto propio de autoemprego, que teñan interese en ampliar o seu desenvolvemento profesional e persoal. Tamén poderán participar asociacións ou agrupacións e pequenas e medianas empresas integradas por mulleres.
Os dous cursos teñen xa abertas as inscricións, chamando ao CIM de Teo (981 80 97 07) ou remitindo un correo electrónico ao enderezobrancoxandra@gmail.com.
Identidade dixital
O primeiro curso será o de ‘Identidade dixital para mulleres’. Terá lugar os días 26, 27 e 29 de setembro e 3, 4 e 6 de outubro de 10 a 14 horas. O contido desta proposta formativa será principalmente práctico. As participantes poderán aprender a utilizar as ferramentas das tecnoloxías da información e da comunicación e internet, así como as redes sociais, para a procura de emprego e para o desenvolvemento dun proxecto.
Ferramentas de comunicación
O segundo curso desenvolveráse os días 10, 11 e 13 de outubro, entre as 10 e as 14 horas. Titúlase ‘Ferramentas de comunicación para o desenvolvemento persoal e profesional de mulleres” e o seu propósito é desenvolver as habilidades de comunicación para presentar a traxectoria profesional ou un proxecto de emprendemento, a elaboracción do currículo vitae, a construción dun discurso propio e a utilización da linguaxe non verbal.
