Abrazando sons: obradoiro de sonoterapia

A primeira infancia é una etapa na que o vínculo; a presenza e o xogo compartido constitúen a base do desenvolvemento emocional. Nesta proposta “o son” convértese nunha ferramenta para crear un espazo de encontro entre persoas adultas e crianzas, favorecendo a conexión, a escoita e o goce compartido.

Esta experiencia, para crianzas de 0 a 6 anos, pretende ofrecer ás familias pequenos recursos que poidan seguir formando parte da súa vida cotiá, fortalecendo o vínculo a través da presenza, a voz e o son.

A estrutura será a seguinte:

• Benvida e creación do espazo de conexión en familia

• Descubrindo o son... As crianzas poderán explorar diferentes instrumentos sonoros.

• Ritual de calma: respiracións e melodías que cada familia poderá facer logo na súa casa.

• Momento para compartir e peche: relaxación sonora con palabras compartidas.

Cada familia deberá traer unha manta, esteira ou similar para colocar sobre o chan e poder sentarse. Roupa cómoda.