Escolas Culturais e Deportivas 2024-25

LISTAXES DEFINITIVAS DE ADMITIDOS/AS NAS ESCOLAS CULTURAIS CURSO 2024-2025 (cotexar co número de rexistro da inscrición).

• Se non lembrades o número de rexistro da solicitude ou para calquera outra dúbida poñédevos en contacto co Departamento de Cultura. (Tf. 981 941 063)

• Os grupos de GUITARRA están pendentes da proba de nivel que se realizará o primer día ás 17:30 horas.

• As actividades comenzarán a partir do día 1 de outubro e finalizarán o 29 de maio de 2025. Durante este tempo seguirase o calendario escolar do curso 2024/2025. Ao longo da primeira semana informarásevos da súa dinámica.

Publicado en teo.gal o 27 de setembro de 2024

PUBLÍCASE O RESULTADO DO SORTEO DAS ACTIVIDADES DE FOTOGRAFÍA, EDICIÓN E RETOQUE - ROBÓTICA E INTELIXENCIA ARTIFICIAL. XOVES DE 17:00 A 18:00 H - e OFIMÁTICA E MECANOGRAFÍA.

Sorteo realizado o 16 de setembro de 2024, ás 13:00 horas no Salón de Plenos do Concello de Teo.

O número máximo de solicitudes admitidas en cada actividade é de 10 persoas.

As solicitudes non seleccionadas quedan en listaxe de agarda segundo a orde de saída no proceso.

Publicado o 17 de setembro de 2024

ESTE LUNS 26 DE AGOSTO ÁBRESE O PRAZO PARA ANOTARSE NAS ESCOLAS CULTURAIS E DEPORTIVAS 2024-25 

O Concello publica a oferta de actividades culturais e as actividades deportivas para o curso 2024-25 para facilitar a xestión das persoas e familias á hora de programar o vindeiro curso. 

O prazo de inscrición comezará este luns 26 de agosto e estenderase ata o vindeiro 6 de setembro no Rexistro Xeral do Concello ou na sede electrónica en teo.gal. Ao igual que en anos anteriores, terán preferencia as persoas empadroadas no Concello.

Poderanse consultar as listaxes provisionais a partir do 12 de setembro en www.teo.gal ou nos departamentos de Cultura ou Deportes; así como nas redes sociais do Concello e nas de cada departamento. No caso de haber máis solicitudes ca prazas haberá un sorteo público na Casa do Concello (a data do sorteo publicarase coas listaxes o día 12). As listaxes definitivas publicaranse o 27 de setembro.

Pagamento

Cada actividade está programada en tres cursos:

1º curso – de outubro a decembro (20 euros)

2º curso – de xaneiro a marzo (20 euros)

3º curso – de abril a xuño (20 euros)

Porén, para manter a praza todo o curso hai que facer o pagamento completo (60 euros). Se por algún motivo a persoa participante ten que deixar de asistir, poderase solicitar a devolución do segundo e terceiro curso, sempre e cando se faga a solicitude de devolución antes do comezo das clases (segundo curso: 1 de xaneiro, terceiro curso: 1 de abril). En calquera caso, é obrigatorio ter feito o pagamento para poder iniciar o curso.

Senón poderase facer a inscrición (non se garda a praza) e o pagamento de cada curso (20 euros) nas seguintes datas:

1º curso (ou curso completo): do 12 ao 23 de setembro.

2º curso: primeira quincena de decembro.

3º curso: primeira quincena de marzo.

Na ficha de inscrición -que se subirán á web o propio luns 26 de agosto- xa se marca a opción elixida (curso completo ou fraccionado). Para facer o dito pago recibirase por correo electrónico (o que se facilita na propia ficha de inscrición) o documento e as instrucións de pagamento. 

PUBLICASE O RESULTADO DO SORTEO DAS ACTIVIDADES DE FOTOGRAFÍA, EDICIÓN E RETOQUE - ROBÓTICA E INTELIXENCIA ARTIFICIAL. XOVES DE 17:00 A 18:00 H - e OFIMÁTICA E MECANOGRAFÍA.

Sorteo realizado o 16 de setembro de 2024, ás 13:00 horas no Salón de Plenos do Concello de Teo.

O número máximo de solicitudes admitidas en cada actividade é de 10 persoas.

As solicitudes non seleccionadas quedan en listaxe de agarda segundo a orde de saída no proceso.

Publicado o 17 de setembro de 2024

Poden consultar as exencións e bonificacións no BOP núm.195 do 13/10/2011 e no BOP núm.12 do 20/01/2020; así como nos departamentos correspondentes. No caso de ter dereito á bonificación é obrigatorio presentar a documentación xustificativa no momento da inscrición.

Actividades e novidades

Coma todos os anos, haberá actividades para persoas adultas e para a rapazada.

No tocante á oferta de actividades culturais para o vindeiro curso 2024/2025, mantéñense as tradicionais disciplinas de artes plásticas, guitarra, teatro, informática e tecnoloxías dixitais. 

Porén, como novidade, ofertaranse dous novos obradoiros -tanto para a mocidade como para adultos- que amplían a oferta cultural. Por un lado, o obradoiro de customización e creación de adornos, prendas e complementos, un obradoiro onde se fusionará a reciclaxe, a estética e se dará renda solta á propia imaxinación dos participantes. Por outra banda, o obradoiro de fotografía, edición e retoque dixital, que ensinará aos participantes a utilizar unha cámara/teléfono móbil e sacarlle o máximo partido. 

Aviso de errata

Na actividade deportiva para adultos de Kickboxing, o curso será os martes e venres de 20.00 h a 21.00 h no Pavillón de Calo. Serán dous días de clase á semana. Desculpade o erro. 

*As prazas de técnica de Deportes e de Cultura son subvencionadas pola Deputación da Coruña.