Cantateo o 15 de decembro na Ramallosa

O Cantateo, o encontro de corais do Concello, saudará o Nadal o domingo 15 de decembro ás 17:30 horas no Auditorio Constante Liste na Ramallosa.
Está previsto que actúen o Coro de San Miguel de Rariz, a Coral da Asociación Cultural Cruceiro do Monte, a Coral San Simón de Cacheiras, a Coral Polifónica da Sociedade Recreativa de Calo, o Grupo de Canto Aleceia dos Tilos e a Coral Polifónica de Luou. A entrada á actuación será libre e de balde para todas as persoas interesadas.