O Servizo de Bono Social Eléctrico pasará a prestarse todos os mércores en horario de 10:00 h a 12:00 horas no Salón de Plenos.
Os partidos políticos con represetanción na corporación de Teo (Anova, PSdeG-PSOE, PP e BNG) aprobaron por unanimidade unha moción na que se demanda da Xunta de Galicia a construción dun centro de día en Teo. A moción, presentada polo edil de Benestar Ignacio Iglesias, aprobouse no pleno ordinario do mes de xullo. Consulta aquí o texto completo da moción
Na proposta deféndese a necesidade que ten o Concello de Teo dun recurso diúrno de atención para atender a persoas en situación de dependencia e lembrouse que se trata dunha demanda histórica da corporación.
Dende a concellaría de Benestar explícase que a competencia para a creación, mantemento e xestión dos servizos sociais especializados é da Xunta de Galicia e en palabra de Ignacio Iglesias "dende este goberno municipal podemos demostrar a necesidade deste equipamento e reclamar da administración autonómica que se actúe".
Neste momento dende o Concello solicitouse unha xuntanza coa concelleira de Benestar da Xunta de Galicia, Beatriz Mato, para poder tratar este tema.
