TESOUROS VIVOS DO ULLA. EXPLORACIÓN EN FAMILIA

As sequoias conviven harmoniosamente co resto de vida do río Ulla dende fai máis de medio século. A ruta "TESOUROS VIVOS DO ULLA. EXPLORACIÓN EN FAMILIA"  ten lugar na parroquia de Reis do concello de Teo. Esta experiencia lévate a coñecer o gran valor da biodiversidade que atesoura o río Ulla. 

A través dunha ruta interpretativa deseñada para familias con crianzas convertiraste en protagonista do xogo. 

O mexilón, a toupa ou o salmón contaranche os perigos que os ameazan e terás que protexelos! 

Completa a misión e inmortaliza ese momento no teu recuncho favorito coas Sequoias do Xirimbao - catalogadas árbores senlleiras -, como testemuña para ao longo da historia.

Dirixida a público familiar. Nenos/as a partir de 6 anos acompañados dunha persoa adulta.
Extensión, duración e dificultade: O percorrido circular transcorre por 1,7 km de pista e carreiro, cunha dificultade media-baixa, debido o firme do chan á beira do río. Esta  experiencia está programada cunha duración de 2 horas aproximadas.
Inscricións: Prazas limitadas con reserva previa en teo.gal/actividades