Taller de arte Sorolla, impartido por Perrisco

O artista galego Juan Perrisco impartirá un taller de arte Sorolla no Concello de Teo para a veciñanza. As prazas están limitadas a 15 persoas, empadroadas no municipio, que queiran ampliar os seus coñecementos en artes plásticas. 

Poderán anotarse adultos e mocidade a partir dos 12 anos e que teñan uns coñecementos básicos. 

O taller impartirase en tres xornadas: 18 e 25 de xaneiro e o 1 de febreiro en horario de 11.00 a 13.00 horas no local do obradoiro de artes plásticas de Tras do Eixo, en Cacheiras.

As persoas que se anoten deberán asistir ás tres clases como condición obrigatoria.