Street fútbol na piscina dos Tilos

O xoves 28 teremos unha sesión de street fútbol na piscina dos Tilos con Vella escola. Será unha actividade para maiores de 10 anos e non é preciso anotarse. Só tes que andar ese día pola piscina e achegarte.

A sesión comezará ás 18:00 horas.

O street fútbol consiste en facer gran variedade de malabarismos creativos, controlando o balón con calquera parte do corpo. Esta disciplina urbana combina trucos de fútbol, baile, acrobacias e música para crear unha rutina dinámica co balón segundo indican dende Vella escola.

Anímate e vén xogar!