A Florida: camiños con historia

Un paseo interpretativo pola contorna da Florida, na parroquia de Rarís, para descubrir algúns dos seus elementos patrimoniais máis valiosos: a Ponte Nova, a fonte e a cruz da Florida.
Guiados polo Colectivo A Rula e por membros de Árbore Arqueoloxía, seguiremos antigos camiños e sendas peonís que atravesan a Fraga de Sestelo. Ao longo do percorrido coñeceremos de primeira man os detalles das intervencións e a súa importancia para conservar estes elementos patrimoniais, testemuñas da historia da Florida.

A actividade consiste nun paseo circular duns cinco quilómetros, con saída da Casa Consistorial e paso pola aldea da Florida.