Begoña Caamaño, a tecedora de historias

Contacontos teatral que achega ao público infantil e xuvenil a figura de Begoña Caamaño a través da narración oral e do xogo escénico, involucrando ao público nas dinámicas propostas. O espectáculo busca dar a coñecer a súa vida e a súa obra, poñendo en valor a lingua galega e o poder das historias. 

Partindo da metáfora do tecido, a proposta revisita os mitos clásicos desde unha ollada contemporánea e feminista, convidando ao alumnado a reflexionar sobre igualdade, pensamento crítico e repensar as historias.

Unha celebración das Letras Galegas pensada para centros educativos, bibliotecas, e centros culturáis, que sexa próxima, lúdica e accesible.