O Servizo de Bono Social Eléctrico pasará a prestarse todos os mércores en horario de 10:00 h a 12:00 horas no Salón de Plenos.
A Concellaría de Lingua e Mocidade convídavos a celebrar os Maios, unha festa popular que festaxa a chegada da primavera nos primeiros días do mes de Maio a través de estruturas vexetais e coplas (ámbalas dúas do mesmo nome que a festa).
A concelleira María Lópezexplica que "este ano non podemos celebralo nos colexios ou na rúa, pero podemos aproveitar as saídas que xa podemos empezar a facer para apañar xesta, fiuncho e outras flores… por sorte inda queda primavera!". Deste xeito poderemos participar desta celebración popular cada persoa dende a súa casa.
A continuación deixámosvos uns recursos relacionados coa festa e emplazámosvos a que enchades a rede de coplas! Podedes compartir as publicacións en redes co cancelo #CantádemeUnMaio
- Podedes ver premendo aquí que son e como se fan as coplas dos Maios, dende Ourense para o mundo!
- Podedes ver premendo aquí o máis afamado poema dos Maios, obra de Curros Enríquez (1851-1908)
- Podedes ver premendo aquí o “Maio” de Curros nas voces da música galega (Consello da Cultura galega)
- Podedes ver premendo aquí outra version clásica e entrañable que prende a luz da memoria das que xa teñen unha idade… (Luis Emilio Batallán)
