Directorio de establecementos con comida para levar

06-11-2020
cartel

A Concellaría de Desenvolvemento Local e Turismo publica un directorio de establecementos de hostalaría con servizo de comida para levar. Podes descargar a imaxe co directorio premendo aquí.

Un total de dezanove locais de todo o Concello aparecen neste primeiro directorio que se irá actualizando na medida en que outros locais se poidan ir incorporando. O sector da restauración enfróntase dende esta noita e un novo peche forzado pola crise sanitaria. As restricións anunciadas esta semana obrigan ao sector a un parón forzoso dun mes. Poden, sen embargo, manter o servizo de comida para levar con entrega a domicilio ou recollida no establecemento. Con este directorio todos temos nunha imaxe os datos de contacto dos locais de Teo que siguen funcionando nesta modalidade. "Non podemos consumir nos locais pero podemos seguir consumindo, e hoxe máis ca nunca debemos facer deste xesto algo responsable e solidario co noso sector hostaleiro máis próximo" indica María López, concelleira de Comercio e Turismo.

No directorio atopamos os locais repartidos polos núcleos de maior concentración de establecementos (Calo, Montouto, Cacheiras, Reis e Luou) e en cada un atopamos o enderezo e o teléfono de contacto. Calquera /a que queira sumarse pode enviar un correo a comercio@teo.gal ou chamar ao 981.936.629.

Dende o Comercio tamén animamos á cidadanía a compartir a imaxe para que a información chegue ao maior número de persoas. Trátase dun xesto sen custe que pode axudar nestes momentos tan complicados a un sector que está asumindo importantes restricións.