O Servizo de Bono Social Eléctrico pasará a prestarse todos os mércores en horario de 10:00 h a 12:00 horas no Salón de Plenos.

Preséntase na Praza dos encontros o documental "Teo, semente de vencer"

| compartir:

Esta tarde na Praza dos encontros, na Ramallosa, preséntase o documental "Teo, semente de vencer", un vídeo sobre os recursos socioculturais de Teo. No acto intervirán a concelleira de Cultura, Mayte Argibay, e Ignacio Seijo, director da productora Xurdir, que elaborou o traballo audiovisual. 

O acto público comeza ás 21:00 horas e o aforo será limitado seguindo as recomendacións sanitarias. Polo que as persoas interesadas en asistir deben comunicalo por correo electrónico a cultura@teo.gal. 

Nesta peza audiovisual recóllense algúns dos atractivos culturais do Concello, ademais de ter espazo para o traballo das asociacións e por en valor as tradicións. Así mesmo tamén aparecen historias de emprendedores e emprendoras de Teo amosando a riqueza da actividade económica do municipio. 

 

teo semente de vencer