O Servizo de Bono Social Eléctrico reanudarase o mércores 2 de setembro, de 10.00 a 12. 00 horas, no Salón de Plenos
O Concello lembra a súa veciñanza que, desde fai uns meses, poden solicitar o Certificado de Empadroamento de forma online, sen ter que desprazarse ata o Rexistro Municipal.
Neste senso, na propia páxina municipal, tendes un acceso de “Sede electrónica”, onde poderedes ver distintos procesos que se poden efectuar. Entre eles, está o procedemento de “solicitude de certificado de empadroamento”, o cal regula a concesión -por parte do Concello- do certificado acreditativo dos datos persoais e domicilio, segundo constan no padrón de habitantes do municipio.
Neste senso, calquera persoa física que desexe obter este certificado pode solicitalo online e escoller o tipo de documento que precisa: empadroamento individual, colectivo, histórico, etc.
Se se actúa en nome propio, e a situación padronal o permite, o Certificado Individual, o Certificado Histórico e o Certificado Negativo Individual xéranse de forma automática tras a solicitude polo que poden descargarse no momento. Noutro caso, a súa solicitude darase de alta e o certificado será tramitado posteriormente polo concello.
Os certificados colectivos, en cambio, serán sempre tramitados polo Concello como calquera outra solicitude telemática.
Para solicitar o Certificado de Empadroamento dun menor que careza de Documento Nacional de Identidade, deberá utilizar a “Solicitude Xeral” e explicar esta circunstancia no apartado de exposición/solicitude.
Así mesmo, lembramos tamén que poden solicitar os ditos documentos de forma presencial no propio Concello, achegándose ao Rexistro Municipal, onde se lles serán facilitados os impresos de solicitude.
