Cartas en azul: unha instalación de afectos

Nesta actividade proponse crear unha instalación colectiva de colaxes e cartas escritas por mulleres dirixidas ás amigas, nais, avoas, curmás, mestras, veciñas, escritoras, artistas... 

A proposta inspírase no espírito de Circe ou o pracer do azul, obra de Begoña Caamaño, evocando un espazo íntimo, sensorial e creativo onde a palabra e a imaxe se entrelazan para celebrar a rede afectiva entre mulleres.

O acto de escribir cartas convértese así nun xesto de memoria, resistencia e coidados, en diálogo coa obra e coa figura de Begoña Caamaño, que sempre puxo no centro as voces das mulleres e os vínculos que nos sosteñen.