Excursión "Ruta Rosaliana"

Ruta en autobús por lugares vinculados a Rosalía de Castro nos concellos de: Teo, Ames e Brión durante a mañá e Padrón pola tarde. 

A xornada comezará en Luou, a carón da figueira de Rosalía, cunha visita guiada pola contorna onde a guía explicará a vinculación da escritora con este concello. 

A seguinte parada será en Ortoño (Ames), onde está a casa na que ela pasou os seus primeiros anos de vida. 

 Logo de tomar un café, paseniño, paseniño... a ruta seguirá cara Bastavales (Brión) para visitar o sitio onde Rosalía tivo residencia esporádica aos pés da famosa igrexa coas campás que inspiraron o seu poema, Campanas de Bastavales. 

O itinerario continuará cara Padrón onde haberá tempo para comer, de maneira libre, entre as 14.00 e as 16.00 h. 

A tarde comezará aos pés da Estatua de Rosalía no Espolón onde a guía explicará a relación de Rosalía cos diferentes lugares de Padrón. Continuando pola rúa onde estaba a outra casa na que a escritora pasou parte da súa infancia, e rematando no Xardín Botánico Artístico.

A xornada remata na Casa de Rosalía, casa onde morreu e hoxe convertida en Museo. 

Algunha que outra sorpresa durante o día fará que as persoas asistentes conecten coa ialma de Rosalía. 

O café da mañá e a comida do medio día non están incluídos.