O Servizo de Bono Social Eléctrico pasará a prestarse todos os mércores en horario de 10:00 h a 12:00 horas no Salón de Plenos.
O mércores 28 de outubro celébrase o pleno ordinario ás 20:00 horas no salón de plenos. O debate plenario terá lugar en horario de tarde, ás 20:00 horas, no Salón de Plenos da Casa Consistorial, na Ramallosa. Poderase ver en directo a través da canle de youtube do Concello premendo aquí.
Nesta sesión a corporación tomará coñecemento da renuncia como concelleiro de D. Manuel Anxo Fernández Baz, ata agora voceiro do BNG. Fernández Baz é concelleiro da corporación de Teo polo BNG dende o ano 2011.
No pleno debaterase a adhesión ao novo convenio de transporte metropolitano da área de Santiago, entre outros asuntos.
A orde do día completa ten os seguintes puntos:
- Dación de conta das resolucións da alcaldia (da 862/202 á 951/2020)
- Dación de conta do informe de morosidade 1º trimestre 2020.
- Dación de conta do informe de morosidade 2º trimestre 2020.
- Proposta da alcaldía de toma de coñecemento da renuncia como concelleiro de D. Manuel Anxo Fernández Baz.
- Ditame da proposta da alcaldía de aprobación da adhesión do Concello de Teo ao convenio de transporte metropolitano da área de Santiago.
- Proposición da alcaldía de modificación das bases de execución do orzamento. Anticipo de caixa.
- Mocións.
- Rogos e preguntas.
