O Servizo de Bono Social Eléctrico pasará a prestarse todos os mércores en horario de 10:00 h a 12:00 horas no Salón de Plenos.
O Concello de Teo e o observatorio astronómico da USC acordaron cancelar a observación astronómica prevista para este sábado 18 de xullo en Lampai. A nova data prevista para celebrala é o luns 20 se o ceo está despexado, xa que foi a nubosidade precisamente a que obrigou a cambiar a data. No caso de que o luns tampouco se dean as condicións óptimas quedaría para o sábado 25 de xullo. Dende a organización lamentamos as molestias. A actividade, dentro do programa TodoCosmos,
é gratuíta.
A observación farase no mirador da Agrela, no monte de Lampai. Para participar non hai que anotarse. Só achegarse á zona ó redor das 22:00 horas.
O Concello de Teo participa por segundo ano na iniciativa TodoCosmos impulsada polo Observatorio Astronómico Ramón María Aller da USC que pretende mellorar a divulgación astronómica entre a sociedade. O programa conta co financiamento da Fundación Española para a Ciencia e a Tecnoloxía (FECYT).
Máis información sobre o programa TodoCosmos premendo aquí
