A Concellaría de Servizos Básicos e Mocidade ten competencias en temas de mantemento de zonas comunitarias, infraestruturas...
En canto á área de Servizos Básicos, durante esta lexislatura encargarase do mantemento de estradas e vías de comunicación tanto do seu firme coma dos desbroces de gabias e masas comúns; o mantemento e creación de áreas de xogo e o mantemento de parques e xardíns. Tamén vixiará o bo funcionamento da iluminación pública e o ordenamento e mantemento do mobiliario urbano. Entre as responsabilidades desta concellaría está a xestión das brigadas de obras e de parques e xardíns.
Contacto: xurxofrancos@teo.gal
Xurxo Francos Liñares
Xurxo Francos Liñares naceu no lugar da Ribeira, en Cacheiras (Teo) no ano 1983. Ten a titulación de Hostelaría na especialidade de cociña, profesión que exerceu dende 2002 ata 2007. Nese momento pasou a formar parte da plantilla do cadro de persoal dunha coñecida multinacional do sector madereiro.
Vencellado coa militancia nacionalista dende o ano 2001 estivo afiliado a Galiza Nova, ás xuventudes do BNG ata o ano 2012. Tamén está afiliado á CIG. Actualmente milita en Anova. En canto ó movemento asociativo é socio da Asociación Cultural de Teo Lúa Chea.