O CLUB MOTOCICLISTA TEO ORGANIZA UNHA DAS PROBAS DO CAMPIONATO DE ESPAÑA DE TRIAL EN LAMPAI

19-06-2015
O Club Motociclista Teo organiza unha das probas do Campionato de España de Trial en Lampai este domingo 21 de xuño. Neste mesma xornada tamén se realizarán as probas do Campionato Galego. O Concello de Teo colabora con esta iniciativa. Está previsto que o 21 se dean cita en Lampai máis de oitenta pilotos para disputar esta competición.


RAFA SISTO E UXÍA LEMUS PRESENTAN O ACORDO DE GOBERNABILIDADE PARA TEO CUN PROGRAMA DE CORTE SOCIAL E PROGRESISTA

17-06-2015
O alcalde de Teo, Rafa Sisto (Son de Teo-Anova) , e a concelleira do PSdeG-PSOE presentaron esta mañá en rolda prensa o acordo de gobernabilidade para o Concello de Teo para os próximos catro anos. Un acordo para un goberno progresista cun programa de corte social que responde ás necesidades básicas e fundamentais da sociedade, segundo explicaron.

CONVÓCASE O PLENO ORGANIZATIVO EN TEO NO QUE SE DESEÑA O GOBERNO PARA ESTES CATRO ANOS

17-06-2015
A corporación teense reúnese este xoves 18 de xuño ás 20:00 horas para celebrar a sesión extraordinaria organizativa. O debate terá lugar, como xa é habitual, en horario de tarde, ás 20:00 horas, para facilitar a asistencia das persoas interesadas e celebrarase no salón de sesións da Casa Consistorial, na Ramallosa. A sesión tamén se retransmitirá por streaming a través da web municipal, premendo no banner En directo , na marxe dereita da portada.

OS COLEXIOS DE TEO AMPLIARÁN O FONDO SOLIDARIO CREADO POLA XUNTA DE GALICIA ASUMINDO A XESTIÓN DOS FONDOS DO BANCO DE LIBROS MUNICIPAL

16-06-2015
Este curso a Xunta de Galicia implantou o programa de fondo solidario de libros de texto para 3º e 5º de Educación Primaria. Iso provoca que o alumnado que recibiu axudas para este curso está obrigado a depositar no propio centro os libros adquiridos mediante esta axuda, o que obriga aos colexios a crear un Banco de libros. A Xunta convoca axudas para a adquisición de libros nos cursos 4º e 6º de Primaria, o que condiciona que eses libros quedarán, unha vez rematado o curso, en poder dos centros.

RAFAEL SISTO, NOVO ALCALDE DE TEO RECIBE O BASTÓN DE MANDO DO CONCELLO DE MANS DE MARTIÑO NORIEGA

13-06-2015
Rafael Sisto é xa o novo acalde de Teo. Esta mañá recibía o bastón de mando do Concello de mans de Martiño Noriega nun dos momentos máis emotivos da sesión. O candidato de Son de Teo-Anova obtivo na votación a maioría absoluta cos votos favorables dos/as sete concelleiros/as do seu grupo e dos dous edís do PSdeG-PSOE, a quen agradeceu expresamente pola confianza e o seu apoio.

CONVÓCASE O PLENO CONSTITUTIVO DA NOVA CORPORACIÓN ESTE SÁBADO 13 ÁS 10:00 HORAS

11-06-2015
A nova corporación de Teo, elixida nas eleccións municipais do 24 de maio, reúnese este sábado 13 de xuño para a súa constitución e elección de alcalde. A sesión está convocada para as 10:00 horas e na mesma o alcalde saínte, Martiño Noriega, entregaralle o bastón de mando ao novo alcalde de Teo.

CELÉBRANSE NA PISCINA MUNICIPAL AS PRIMEIRAS XORNADAS DE DEPORTE NA RÚA

08-06-2015
Este mércores 10 e xoves 11 organízanse as I Xornadas de deporte na rúa dende a piscina municipal climatizada da Ramallosa. Terán inchables acuátidos (con inscrición previa), inchables terreistres e xogos cooperativos e tradicionais para nenos/as. Para adultos/as realizaranse clases abertas na Praza dos encontros de aero-combat, baile zumba, step, crossfit... Estas clases ao aire libre serán para calquera persoa sen inscrición previa.

O CICLO MÚSICA NOS TILOS VOLVE A PROTAGONIZAR A PROGRAMACIÓN CULTURAL DE XUÑO

03-06-2015
A programación cultural do mes de maio volve ter como protagonista a música con dúas citas xa consolidadas. Dende o Concello organízase o ciclo de concertos Música nos Tilos que oferta actuacións na casa común dos Tilos os venres 5, 19 e 26 de xuño. Por outra banda o venres 12 e sábado 13 celébrase no campo de San Domingo en Calo o festival revival Galicia Woodstock que chega á sexte edición.

AS PISCINAS MUNICIPAIS DOS TILOS E LUOU ABREN A MEDIADOS DO MES DE XUÑO

02-06-2015
As piscinas municipais dos Tilos e Luou, que só funcionan na tempada de verán, abrirán o luns 15 de xuño e estarán abertas ata mediados de setembro. Como en anos anteriores a instalación dos Tilos terá horario de mañá e tarde, de 11:00 a 14:00 horas e de 16 a 21:00 horas todos os días mentras que a de Luou terá este mesmo horario os sábados, domingos e festivos e de luns a venres só abrirá pola tarde entre as 16:00 e as 21:00 horas.