O Concello de Teo está executando nestes días obras de reforzo do pavimento en varios núcleos. Esta mañá a concelleira de Urbanismo (PSOE), Uxía Lemus, e o edil de Infraestruturas (PSOE), Roberto Moñino, visitaban algunha das zonas nas que xa están avanzados os traballos.

A corporación teense reúnese este xoves 23 de xullo en sesión ordinaria. O debate terá lugar, como xa é habitual, en horario de tarde, ás 20:00 horas, para facilitar a asistencia das persoas interesadas e celebrarase no salón de sesións da Casa Consistorial, na Ramallosa.

O Concello de Teo publica hoxe no BOP o anuncio de licitación do servizo de Actividades deportivas para os dous próximos cursos. Trátase do concurso para as escolas deportivas municipais, tanto para adultos como para nenos. O prazo de presentación de solicitudes é de quince días naturais e remata o 1 de agosto.

A primeira quincena do programa de conciliación Verán animado rematou con merendas ao aire libre. En Calo os/as participantes, nenos e nenas de 3 a 12 anos, acompañados/as dos monitores/as pasaron unha divertida mañá na área recreativa de Calo. Alí merendaron e realizaron xogos ao aire libre.

O Concello de Teo e o observatorio astronómico da USC acordaron cancelar a observación astronómica prevista para este sábado 18 de xullo en Lampai. A nova data prevista para celebrala é o luns 20 se o ceo está despexado, xa que foi a nubosidade precisamente a que obrigou a cambiar a data. No caso de que o luns tampouco se dean as condicións óptimas quedaría para o sábado 25 de xullo. Dende a organización lamentamos as molestias. A actividade, dentro do programa TodoCosmos, é gratuíta.

A corporación teense reúnese este luns 6 de xullo en sesión extraordinaria. O debate terá lugar, como xa é habitual, en horario de tarde, ás 20:00 horas, para facilitar a asistencia das persoas interesadas e celebrarase no salón de sesións da Casa Consistorial, na Ramallosa.

O incendio forestal rexistrado na parroquia de Calo onte quedaba oficialmente controlado ás 21:44 horas, segundo o protocolo de Medio Rural. Despois de horas de moito risco e incertidume para unha zona con moitas vivendas desactivábase a Situación 2, declarada cando o lume pode afectar á poboación e a bens non forestais e require a adopción inmediata de medidas de protección e socorro. O alcalde de Teo, Rafael Sisto, lamenta "a tardanza dos medios aéreos para colaborar na extinción, chegou antes a Conselleira que os helicópteros".

O venres 24 remata o ciclo Música nos Tilos coa actuación de Oh Trío . Trátase dun grupo de jazz tradicional formado por Antonio Bravo á guitarra, Germán Díaz na zanfona, caixa de música e serrucho musical e Diego Martín na batería. Integrantes que xa se coñecían e colaboraban en diversas formacións desde había anos pero que no 2008 decidiron reunirse como grupo. Desde entón realizaron xiras por multitude de países e os seus traballos discográficos foron premiados en varias ocasións por revistas de calado internacional.

A concellaría de Participación Veciñal, dirixida por Ignacio Iglesias, organiza para a tarde do martes 23 de xuño unha saída para recoller herbas de San Xoán. Todas as persoas que queiran participar desta tradición e saber algo máis da súa orixe para cumprir cun dos rituais da noite de San Xoán poden animarse xa que non é preciso anotarse.

O Club Motociclista Teo organiza unha das probas do Campionato de España de Trial en Lampai este domingo 21 de xuño. Neste mesma xornada tamén se realizarán as probas do Campionato Galego. O Concello de Teo colabora con esta iniciativa. Está previsto que o 21 se dean cita en Lampai máis de oitenta pilotos para disputar esta competición.